搜尋
  • Admin

一個長揸短炒皆宜嘅產品(蔡嘉民)


呢排成日好興講中國國債牛市,亦都不時有朋友問有啲咩方法可以保本又好穩陣咁賺錢,但往往保守型投資者實在係太過保守,佢地會選擇放係銀行做定期,都唔願意拎出黎投資。如果無咁保守嘅投資者,佢地會搜尋一啲高息嘅大藍籌去長揸,最多個市大跌,股災,大家一齊捱,捱多幾年又係一條好漢。但係,除非股票除淨後,股價係會迅速上返除淨前高位,否則派息只係偷換概念。例如,好多股民都喜愛嘅大笨象匯豐,其實長揸10年,計埋股息,依家都只係啱啱回本,早兩年嘅話,都係屬於捱價階段,1蚊都無得賺,人生又有幾多個10年。


除非你有一個獨特眼光可以搵倒騰訊呢類股王另計,騰訊剩係價升,唔派息都夠你賺。如果無信心的話,中國國債係唔錯嘅選擇。上次講到中國國債因為降準,推低左息率,再加上經濟放緩,同埋企業違約潮,所以債券勢頭良好。


講到咁好,係咪無任何跌嘅原因呢?支持債券嘅淡友亦都有幾個原因,一來當啲地方政府或者企業唔夠現金去償還啲債務,佢地就會考慮賣出手上嘅國債去套現,所以違約潮發生同時未必一面倒會令息率下跌,過度發生亦會有反效果。另外,雖然人民幣匯率最近都算幾堅挺,但係強勢美匯一旦保持勢頭,人民幣一有走資壓力,中央就要考慮拉返高個債息。央行行長之前就出黎講中美息差喺舒適區間,到現時,數字上其實已經唔再舒適,一旦去到觸發收緊嘅水位,就要靠債息上升去控制走資。但暫時權衡好淡友雙方,債券牛市應該可以保持。


長揸黎講,中國債係一個唔錯嘅工具,短線黎講,唔排除央行短期內會再降準,可以考慮短炒一轉。

68 次瀏覽

© 2020 by Jarvis Technology Company Limited

Hong Kong | info@techjt.com| 852-9499-7562

  • Facebook Social Icon

Like us on Facebook!