Excel檔案下載︰
先前同大家講要拍一段片講下Monte Carlo Method，其實呢一個方法係一個分析方法，可以用result distribution去睇到單次命中率、賺幅度、蝕幅度三者對整條equity curve有咩影響，每一組測試結果都係一個獨立嘅path，你會見到經歷咗n咁多組測試之後會有n咁多條path出現，而n條path所產生嘅風險同回報數據就係我地用嚟研究嘅數字。
成個Monte Carlo Method嘅精髓係令大家明白「風險」究竟係咩一回事。有時候我地會話回測結果唔可以信到十足十，就係因為回測只係得一組歷史數據，即係得一條路徑、得一條path，風險數字有可能被低估，回報數字有可能被高估。
咁係咪即係話回測唔可靠﹖咁又唔係咁講，始終你冇可能唔做回測就去做trade，只係每個策略要實戰之前，除咗回測結果表面上嘅數字之外，再深入啲嘅interpretation其實同樣重要。